الإعلامي محمود سعد يعلق على ارتفاع أسعار البانيه: الستات بيعرفوا يدوروا الدنيا

كتب- إسلام لطفي:

علَّق الإعلامي محمود سعد، على ارتفاع أسعار "الفراخ البانيه"، قائلًا: المصريون متعودين على كل حاجة، وشوفنا كل حاجة وإحنا جيل اللي طفولته كانت في الخمسينات نعرف نتعامل مع الأزمات.

وأضاف في بث مباشر له عبر صفحته الرسمية على "فيس بوك": حياة المصريين كفاح، ومتخافوش عشان بنعرف نتصرف وكنا بناكل في يوم بطاطس وبتنجان ويوم فول مَقلِّي وفول نابت، وبنمشي حالنا.

وتابع: الراجل وهو نازل من البيت الصبح بيسيب للست مبلغ تتصرف فيه، والله يكون في عون الستات بيعرفوا يدوروا الدنيا.

وشهدت أسعار الفراخ البيضاء والبانيه، ارتفاعا جديدا خلال اليوم الأربعاء، إذ يتراوح سعر الكيلو البانيه بين 195 إلى 205 جنيهات مع اختلاف المناطق.