مواقع مغرضة.. 11 تصريحًا من السيسي على أنباء توتر العلاقات مع السعودية

كتب- محمود مصطفى أبو طالب:

علق الرئيس عبدالفتاح السيسي، على ما أثير مؤخرًا حول توتر العلاقات بين مصر والسعودية، وذلك خلال كلمته في افتتاح المرحلة الثانية من المدينة الصناعية "سايلو فودز" بمدينة السادات، اليوم الخميس.

وجاءت أبرز تصريحات الرئيس السيسي على ما يُثار على النحو التالي:

1- أتابع مواقع التواصل وبشوف ساعات بيبقى فيه حماس زيادة أو حتى مش عايز أقول "تجاوزات في الكلام وكده"، مش بتكلم عن موضوعات محلية، بتكلم عن موضوعات خاصة بعلاقاتنا مع أشقائنا وده أمر ننتبه ليه كويس، وخلي بالكم ده بيعكس مدى فهمنا وتقديرنا للعلاقات مع الأشقاء.

2- أرجو إن إحنا كمواطنين وحتى كإعلاميين ننتبه لده، سياسة مصر دائما سياسة تتسم بالاعتدال والتوازن والانضباط الشديد تجاه الجميع في الداخل والخارج.

3- لما يتم تناول موضوع بدون أساس، ملوش خلفية يعني، إحنا بنقعد ونتكلم ونقول أمور قد لا تكون لها أساس من الصحة بصراحة.

4- هنمشي ورا بعض المواقع المغرضة اللي عايزة تعمل فتنة بيننا وبين الأشقاء!.

5- أقل حاجة نعملها لو مش هنقول كلام طيب، يُفضل نسكت.

6- إحنا مش بنكتب إلا دايما لصالح تحسين ودعم العلاقات مش العكس.

7- إحنا علاقتنا طيبة بالجميع وده منهج ماشيين بيه مش من النهاردة، ولكن ده مسار تنتهجه من تولي المسؤولية.

8- حتى في الأزمات والخلافات الكبيرة، مفيش تصريحات سلبية أبدا وكل كلامنا منضبط جدا، وبالتالي ميصحش نُسيئ لأشقائنا وماننساش وقفة أشقائنا معانا.

9- هقول فرضية مش موجودة: لو في أزمة، أنا أطول لساني أو أقول كلام مش مظبوط، ده كلام لا يليق أبدا، فين: لا تنسوا الفضل بينكم.

10- إحنا حريصين -وده توجه دولة وأرجو كلنا كمواطنين لا ننساق وراء مواقع تقصد الفتنة بيننا- على العلاقات الطيبة بالجميع.

11- حريصون في أصعب الظروف، حتى لو في خلاف مع دولة شقيقة خلال السنين اللي فاتت نتجاوزه.