خالد منتصر عن قوانين الميراث: "تشريعات في صالح الرجل"

كتب- أحمد عبدالمنعم:

نشر الطبيب خالد منتصر، بوست عبر حسابه الرسمي على "فيسبوك" ردا على تصريحات الفنانة نجلاء بدر بشأن قضية الميراث.

وقال منتصر: "البنت اللي مالهاش أخ ذكر عند موت أبوها يشاركها أعمامها وولاد أعمامها إلخ، وممكن مايكونوش كانوا بيسألوا عنها ولا عن أي حد في أسرتها أصلًا ولو شافوها في الشارع مايعرفوهاش، لكن وقت الميراث تلاقيهم ظهروا وصرخوا إحنا مانقدرش نخالف الشرع".

وأضاف: "الزوجة اللي يموت جوزها وبنتها الوحيدة لسة صغيرة بتقعد تنتظر المجلس الحسبي لغاية البنت ما تكبر وبتتسول حقها ومصاريف مدرستها بالقطارة والفصال، لكن شقيق الزوج الميت بياخد ميراثه فوراً وما بيستناش حد عادي وكله بالشرع!!!".

وتابع: "التشريعات وتخريجات الفقه اللي في صالح الرجل تلاقيها بتتنفذ بسرعة الصاروخ أما التشريعات اللي ضد المرأة فبسرعة السلحفاة بتتغير وبيبقى أمام تغييرها مقاومة صلبة وفي النهاية بترضخ المرأة و تنسحق ويتواطأ الذكور على عدم تغييرها أو المساس بها لأن الشرع بيقول".

وكانت الفنانة نجلاء بدر قالت في تصريحات صحفية: "ربنا أمر أن الراجل له ضعف المرأة من الميراث مقابل إنه يصرف عليها.. مش معنى إنه أخد الضعف يعني ميصرفش على أخته من الفلوس دي.. في قوانين لازم تتعدل.. إزاي الأم ملهاش الوصاية المالية بعد وفاة الزوج كانت صدمة بالنسبة لي لما عرفت".