الرئيس عن تعامله مع السيدات: "أنا مش منحاز.. بحاول أظبط الكفة بس"

كتب- أحمد جمعة:

قال الرئيس عبدالفتاح السيسي، إن المرأة المصرية تتحمل ما نمر به من أزمات صعبة، كما تصدرت المشهد في ثورة 30 يونيو وكان لها دور كبير في حماية مصر.

جاء ذلك خلال كلمته باحتفالية المرأة المصرية والأم المثالية لعام 2023، اليوم الاثنين.

وأضاف الرئيس السيسي: "اللي بنقابله في مجتمعنا مبني على كتاف الست .. وفيه ناس كتير بيسألوني إيه سبب الرحمة والحنية اللي عندك؟ بقولهم البيت اللي عشت فيه كان طول الوقت كدة.. أمي كانت كدة".

وتابع: "بعض الناس تعتقد إننا منحاز.. والله أنا مش منحاز.. أنا بحاول أظبط الكفة بس.. كانوا بيتكلموا في الفيلم على الميراث.. هل العدالة إن حد يقول مش هدي البنت ميراثها؟.. وحاجات تانية كتير بنعملها كلنا".

واستطرد: "لما بيحصل خلاف .. مين المسؤول الأول في البيت أو لما الأمور تخرج عن السيطرة.. مين بيشيل؟ الست هي اللي بتشيل .. وكلنا اللي شفناه إن دايما الست مسؤولة .. ودا مش معناه إننا ضد الرجل .. بنحاول نكون منصفين حقيقة مع الدور الذي تقوم به الست .. في مصر بالذات ولن أنسى وكلنا مننساش إن المرأة المصرية خلال 2013 وحتى الآن لها دور كبير في حماية مصر".