مليار جنيه شهريًا.. السيسي يكشف حجم الأموال التي تكبدتها مصر في حربها ضد الإرهاب

كتب- إسلام لطفي:

أعلن الرئيس عبدالفتاح السيسي، حجم المبالغ التي كانت تتكبدها مصر في الحرب ضد الإرهاب في سيناء، قائلًا: كان كل شهر على الأقل مليار جنيه لمدة 90 شهر أو أكتر.

وأضاف خلال الندوة التثقيفية الـ37 للقوات المسلحة بمناسبة الاحتفال بيوم الشهيد: "هنعمل معرض للحرب دي وهنوريكم الحاجات اللي كانت موجودة واللي بقيت بس مش قليل ده كتير أوي أوي، من سلاح وذخائر وأجهزة اتصال، وكل ما تعنيه معدات حرب والموضوع هناك مكنش بسيط".

وتابع: "الناس متعودة أنها تشوف الحرب دبابات وطيارات بتضرب، لكن الحرب دي كانت أكثر شراسة، لأن العدو التقليدي أنت عارفه وبتشوفه وتقدر تتعامل معاه وجهًا لوجه، لكن ده مش بتشوفه ومستخبي وسطينا بلبسنا وحالنا وبعدين يقوم بخسة وجبن يهاجمك ويجري وطبعًا الناس بتكون موجوعة على ولادها ومستقبل بلدها".