السيسي: التزام التجار شرطًا لتعميم تجربة أسواق النصف جملة في باقي الجمهورية

(مصراوي):

تفقد الرئيس عبدالفتاح السيسي، اليوم الجمعة، 5 نماذج لأسواق النصف تجزئة، في أحياء مدينة نصر ومصر الجديدة والمقطم.

وبدأ الرئيس الجولة بسوق أحمد فخري وحسن المأمون وحي الأمل لخدمة حي الأمل والعاشر في مدينة نصر، ثم أسواق عمار بن ياسر والمقطم وعبدالمجيد محمود في المقطم، وأخيرًا سوق نادي الشمس في مصر الجديدة.

وقال الرئيس السيسي للعاملين: "إحنا عاملين نموذج اختباري، بين الجملة زي سوق العبور والأسواق الرئيسية، وبين التجزئة اللي تحت خالص، حطينا حاجة في النص بين الاتنين، فده يخلي الناس بتوع التجزئة تنظم أسعارها شوية، عشان كدة اخترنا الخمس نماذج دول".

وقال الرئيس: "هنفتتحهم في 30 يونيو المقبل إن شاء الله"، وأشار إلى أحد العاملين: "السوق اللي في حي الأمل، هنخليه جزء من السوق النصف جملة في الحي.. اللي هنعمله هنا اختبار لو نجحنا فيه، هنكمل بشرط التزام التجار بتقديم أسعار قريبة من أسعار الجملة، إن عملوا كدة معانا، هنكمل في باقي الجمهورية".

وأضاف: "سوق زي كدة على سبيل المثال، مش كفاية للسكان، لكن لو نجحت الفكرة، والأسعار والتكلفة فيها فرق، هنكمل".