"أه الأسعار غليت".. السيسي: إحنا في أزمة بدأت بكورونا ثم الحرب

كتب- محمد عمارة:
قال الرئيس عبدالفتاح السيسي، إن جائحة كورونا والحرب بين روسيا وأوكرانيا، ألقت بظلالها على الاقتصاد العالمي بشكل عام.

جاء ذلك خلال لقائه اليوم الأربعاء، مع أهالي قرية "الأبعادية" بمحافظة البحيرة، بعد افتتاح عدد من المشروعات ضمن مبادرة "حياة كريمة".

أضاف الرئيس السيسي: "اللي بيحصل في بلدنا على مدى 8 سنين وحجم العمل، لو مكنتوش انتوا فيه شباب وشابات وحتى الكبار في السن، طب احنا في أزمة دلوقتي أه، بدأت بأزمة كورونا وبعدين حرب روسيا وأوكرانيا، لكن احنا موقفناش، يمكن تكون غلت الأسعار، اه وغلتها كتير، أه طبعا، لكن خلي بالكم في الـ 3 سنين دول زدنا 6 مليون".

واستكمل الرئيس السيسي: "مقصدش بالكلمة دي أي حاجة، لكن بحط الصورة جنب بعضها، بقولكم عندنا في مصر نتيجة فضل الله والأمن فيه 9 مليون ضيف، وفي الـ7 أسابيع اللي فات نتيجة أحداث السودان أكتر من 220 ألف إنسان دخلوا عشان الظروف اللي موجودة، وبالمناسبة بقول لأشقاءنا في السودان، خلي بالكم من بلادكم، ولما كنت بقول الكلام ده كانوا يقولوا هو بيقول الكلام ده، بقوله عشان شفت وانتوا شفتوا".