ياسمين عز: ارحموا أولياء الأمور.. ليه سبلايز بـ150 ألف جنيه؟
07:38 م
الخميس 05 سبتمبر 2024
الإعلامية ياسمين عز
كتب- حسن مرسي:
انتقدت الإعلامية ياسمين عز، اشتراطات المدارس لقائمة الأدوات المدرسية (سبلايز)، قائلة: "يعني إيه سبلايز بـ150 ألف جنيه.. انتوا بتنتقموا من ولي الأمر، الناس هتجيب منين؟".
أضافت عز، خلال برنامجها "كلام الناس"، عبر فضائية "mbc مصر": "مين اللي اخترع السبلايز؟.. أنا متأكدة إن اللي اخترعه كان بيروح المدرسة بشنطة بلاستيك فيها السندويتشات وبيرجع بنفس الكيس للبيت عشان عهدة
وأعربت مقدمة "كلام الناس" عن المغالاة في قائمة الأدوات للمدارس الخاصة، قائلة: "يعني إيه مريلة ووتر بروف ومزيل عرق وجردل بحر وشاور جيل لليدين ومعجون لطفل سنته مكسورة إمبارح".
وأكملت: "طفل لسه مبيعرفش يكتب اسمه عايزين منه ألوان ميه وخشب وصلصال ده لو هيرسم لوحة العشاء الأخير مش هيطلبوا منه ده".
الإعلامية ياسمين عز
ارحموا أولياء الأمور
سبلايز بـ150 ألف جنيه
برنامج كلام الناس
قائمة الأدوات المدرسية
فيديو قد يعجبك:
