صناع الحلوي بالأقصر: "بيوتنا بتتخرب وقربنا نقفل بسبب السكر"

الأقصر – محمد محروس:

"قفلنا أسبوع عشان مكناش لاقيين سكر بيوتنا بتتخرب وقربنا نقفل المصنع" يقول أحمد النوبي المسئول المالي والاداري لأحد مصانع الحلويات الشرقية والغربية بالأقصر.

يعاني صناع الحلوى في محافظة الأقصر من أزمة نقص السكر بالأسواق وارتفاع سعره هذا فضلا عن غلاء أسعار مستلزمات الإنتاج الأخرى كجوز الهند والمكسرات وغيرها بسبب ارتفاع سعر الدولار.

يضيف النوبي :" كنا بنشتري كيلو السكر بـ5 جنيه دلوقتي سعره مبيقلش عن 9 جنيه ده لو كان موجود" يتابع :" اضطرينا لإلغاء صناعة الأصناف اللي بتستهلك كميات كبيرة من السكر كالقلاش والبقلاوة عشان منخسرش".

مصطفي عبداللطيف – بائع حلوي المولد- يقول لـ"مصراوي" :" الأسعار زادت بشكل مبالغ فيه بسبب أزمة السكر يعني علبة الحلوى المشكل اللي كان بنبيعها بـ25 و30 جنيه دلوقتي مش أقل من 50 جنيه".

ويشير عبداللطيف إلي عزوف المواطنين عن شراء حلوي المولد بسبب الارتفاع الجنوني في الأسعار قائلا :" حركة البيع نايمة خالص الناس مبقتش قادرة تشتري حلوي المولد بسبب الغلاء احنا بنخسر السنة دي حرام اللي بيحصل ده".

يستأنف النوبي :"المنتجين يواجهون أزمة حقيقية بسبب عدم توفر السكر بجانب ارتفاع أسعار باقي الخامات كالمكسرات والسمسم والحمص بنسب تراوحت ما بين 15 إلي 25%".

يضيف النوبي :" المصنع مشغل 10 أشخاص مسئولين عن 10 أسر مصيرهم بقي مجهول مع أزمة السكر".