الناجي الوحيد من "توك توك الموت": كنت ماسك إيد بنت عمي فجأة مالقيتهاش" (فيديو)

البحيرة – أحمد نصرة:

"كنت ماسك إيد لارا بنت عمي وفلتت مني في المية مالقيتهاش".. بكلمات متقطعة وصوت منخفض تستطيع أن تتبين من نبرته حجم الصدمة القاسية التي مر بها، وصف الطفل يوسف حمادة جمعة، 11 عامًا، الناجي الوحيد من فاجعة "توك توك" البحيرة الغارق، المشهد الأكثر ثباتًا في ذاكرته لحظة وقوع الحادث.

وروى يوسف تفاصيل الحادث قائلاً: "كنت قاعد ورا مع لارا وباقي زمايلنا، أما ماريو وديفيد فكانوا قدام، وكان التوك توك بيرجع بضهره علشان فيه عربية سادة الطريق، وفجأة لقينا نفسنا وقعنا في الترعة، ومش فاكر إيه الي حصل بعدها لغاية ما طلعني واحد".

وقال حمادة جمعة والد الطفل: "عاوزين أي مواصلات غير التكاتك دي، علشان نحافظ على أرواح أولادنا التلاميذ، أقل توك توك بيشيل 8 و9، والطريق ما يسمحش كل شوية حوادث عليه، والسواقين عيال فيه اللي عنده 10 سنين وبيسوق، والمجلس المحلي ملوش أي دور".

ولقي 7 تلاميذ بالمرحلة الابتدائية مصرعهم غرقًا في انقلاب "توك توك" أمس السبت، بترعة المحمودية، أمام عزبة شعبان، التابعة لزاوية غزال بمركز دمنهور، وأرجع شهود عيان الحادث إلى سوء حالة الطريق، ورعونة السائق، الذي ألقي القبض عليه في أعقاب الحادث.