"ياميش رمضان" في الأقصر.. لمن استطاع إليه سبيلًا

الأقصر – محمد محروس:

"الياميش".. به لا تكتمل فرحة المصريين بشهر رمضان الكريم، لكن عددًا من الأسر في محافظة الأقصر، قررت الإحجام هذا العام عن شرائه لارتفاع أسعاره بشكل مبالغ فيه على حد وصفهم.

أمام إحدى محلات العطارة التي تبيع "ياميش" رمضان في شارع المنشية، وسط مدينة الأقصر، كانت تقف سمية عزالدين، ربة منزل، تُفاوض البائع على سعر 3 كيلو بلح، و2 كيلو زبيبـ وجوز هند، وسوداني، ومشمش مجفف، متمتمة وهي تلتقط حقيبة بلاستيكية من الأرض: "أنا ماشترتش كاجو ولا لوز وعاوز مني 230 جنيه الأسعار بقت حاجة زفت يا أستاذ".
أضافت "سمية" قبل أن تولي ساخرة: "لما الياميش بس وماشترتش كل الأنواع دفعت فيه المبلغ ده يبقى باقي احتياجات رمضان عاوزه قرض من البنك الدولي عشان اشتريها".

يُباع "ياميش" رمضان في الأقصر لدى العطارين المنتشرين في شوارع السوق السياحي، والمنشية، والمحطة وأبوالجود.
بينما قال محمود مصطفى، أحد العطارين بالأقصر: "الأسعار بقالها سنتين مولعة نار والناس مابقتش تشتري زي الأول اللي كان بيشتري 5 كيلو ياميش بقى يشتري كيلو و2 كيلو بس".

وأضاف "مصطفى": "الفستق سعر الكيلو منه وصل 400 جنيه، واللوز 250 جنيه، والكاجو 370 جنيه، وعين الجمل 270 جنيه طبعًا الأنواع دي مش أي حد بقى قادر يشتريها دلوقتي الإقبال بقى قليل قوي عليها".
وتابع العطار الأقصري: "الناس دلوقتي بتشتري جوز الهند والزبيب والسوداني والتمر والمشمش المجفف والقراصيا ده ياميش الغلابة اللي مهما سعره زاد مابيبقاش سعره زي الأنواع التانية".
وعن أسعار البلح قال مصطفى إن أسعاره ارتفعت نحو 20 % عن العام الماضي، يعني الكيلو اللي كان بـ15 جنيه السنة دي بـ18 جنيه، وده أقل سعر لكيلو البلح دلوقتي، وفي أنواع سعرها بيوصل لـ25 و30 جنيه".
فيما قال حسن حجاج، عطار: "كيلو جوز الهند بـ70 جنيه، والزبيب المصري بـ60 جنيه، والزبيبي الإيراني بـ90 جنيه، والقراصية بـ90 جنيه، والمشمشية بـ90 جنيه طبعاً دي أسعار الياميش المحلي المستورد أغلى من كده شوية"، مستدركًا: "الناس اللي بتسأل على الأسعار، ومايتشروش أكتر من اللي بيشتروا".