طوابير أمام شركة كهرباء دمياط بسبب نفاد الأرصدة - صور

دمياط - محمد إبراهيم:

فوجئ العشرات من أهالي مركز دمياط بانقطاع التيار الكهربائي بسبب نفاد الأرصدة الموجودة بكروت الشحن، وظهرت طوابير طويلة أمام مقر الشركة مساء اليوم الثلاثاء، لإعادة الشحن، وسط حالة من الاستياء بين المواطنين.

قال يوسف عبدالسلام، من الأهالي، إن الرصيد الموجود انتهى فجأة رغم شحنه بمائة جنيه قبل يومين، مضيفًا "عايزين نعرف الرصيد راح فين، استهلاكي قليل وكل آخر شهر يحصل كدة، ومفيش حد بيرد علينا ويفهمنا فلوسنا بتروح فين".

فيما اعتبر أحمد الموافي، مدرس، ما يحدث مثيرًا للدهشة، قائلًا "كنت فاكر الموضوع بيحصل معايا بس لكن كل الموجودين هنا بيشتكوا من نفاد الرصيد فجأة رغم وجود أموال كافية وفي نفس التوقيت تقريبًا، والزحمة مش بتخلص وبيحصل الموضوع ده دايمًا".

وحاول "مصراوي" التواصل مع مسئولي الشركة لكن لم يتسنى ذلك حتى كتابة تلك السطور.