بالصور.. زحام وتكدس خلال تطعيمات شلل الأطفال بمكاتب صحة دمنهور

البحيرة - أحمد نصرة:

شهد عدد من مكاتب صحة مدينة دمنهور بالبحيرة، اليوم الخميس، زحامًا شديدًا بالتزامن مع فعاليات الحملة القومية للتطعيم ضد شلل الأطفال، وسط حالة من الفوضى وسوء التنظيم.

وقالت ريم شرف إحدى المستفيدات: "دا و لا السوق، منتهى الفوضى، أنا رحت والناس زقوني على السلم وقعوني انا و ابني، ومشيت من غير ما أطعمه".

ويتفق معها مصطفى مجدي قائلًا: "عشان المنظر ده أنا مرضيتش أطعم ابني كان المفروض، يبقى فيه تنسيق بأي وسيلة، لو بالحروف حتي ربنا يستر على الجميع".

"انا روحت النهاردة، وربنا يستر علي أنا وبنتي ومنكونش أخدنا عدوى.. هكذا قالت تحدثت إيمان رمزي، معبرة عن مخاوفها، بعد قضائها ساعات في طوابير التطعيم.

وتشكو نهى بشارة: "مكتب مقريزى كان زحمة جدًا والمشكلة الانتظار بره، المكان فى السوق، وعشان أوصل شهادة الميلاد وانتظر لحد دوري فدا بهدلة".

وتتساءل مروة: "ليه محدش بيلف على البيوت زى كل تطعيم؟ أنا رحت مكتب صحة برغش زحمة بجد، هم عايزنا نطعم أولادنا ولا نموتوهم، ومفيش نظام أنا شفت المنظر اتخضيت ورجعت مطعمتش ابني".

ويقول محمد موظف بأحد مكاتب الصحة: "بنحاول نفهم الناس، ولكنها فوجئنا بوجود شائعة أن النهارده آخر يوم، مع أننا قايلين إن التطعيم مستمر لحين الانتهاء من جميع الأطفال المستهدفين، التطعيم جرعتين بينهم شهر، والتطعيم مستمر لمده شهرين وفيه استدعاء للأطفال بس للأسف الناس مش ملتزمة".

وأطلقت وزارة الصحة والسكان، حملة قومية جديدة للتطعيم ضد شلل الأطفال مستهدفة مواليد 2016 بداية من 1 يناير 2016 حتى 22 مارس 2018، في خمس محافظات: البحيرة، وشمال سيناء، والفيوم، والشرقية، والوادي الجديد.