بط وحمام وجمبري في الخير.. مطبخ "أم سجا" خدمة 5 نجوم لفقراء البحيرة (فيديو)

البحيرة - أحمد نصرة:

بط، حمام، جمبري، سبيط، وغيرها من الأطعمة الشهية المحببة، للوهلة الأولى قد تتصور أنها قائمة أحد المطاعم الفاخرة، إلا أنها واقع ما تقدمه "أم سجا" للفقراء من خلال مطبخها الخيري في محافظة البحيرة.

" لن تنالوا البر حتى تنفقوا مما تحبون" تسترشد "أم سجا" بالآية القرآنية الكريمة في شرح أسلوب عمل مطبخ الخير.
وتوضح أم سجا: "بنحاول نزود أجرنا وثوابنا بإننا نقدم أطعمة محببة من نفس نوعية الأطعمة إللي بتشتهيها أنفسنا، والحمد لله قدرنا نوصل الفكر ده للمساهمين معانا، فالمتبرع بقى يجيلنا مثلًا ويقولنا عاوز أتبرع بوجبات جمبري لأن نفسي جابتني عليه".
وتحدد "أم سجا" الأسر المستحقة لتلك الوجبات: "نستهدف أسر الأطفال المرضى تحديدًا، وهناك أكثر من ألف أسرة مسجلة لدينا تستفيد من المساعدات، ولكن هناك يومان نخصصهما للأسر العادية".

وتضيف: "سبب اختيارنا لأسر الأطفال المرضى، لأن كل أسرة بها طفل مريض بمرض مزمن، تكون مواردها مستنزفة على علاج الطفل، وهو ما يؤثر بشكل واضح على أوضاعها الاقتصادية".

وتستطرد: " يعمل معنا أكثر من 60 متطوع يساهمون في المراحل المختلفة سواء في تغليف الوجبات أو توصيلها وتوزيعها، أما إعداد الطعام فيجرى بمعرفة طهاة محترفين ومتخصصين، وسط إجراءات مشددة للنظافة، ومراعاة الإجراءات الاحترازية للوقاية من كورونا".

"فيه بعض الناس أول ما بتعرف إحنا بنعمل إيه، بيقولولنا ليه بتجيبوا حاجات غالية، هاتوا وجبات عادية عشان يعرها أرخص عشان يستفيد منها عدد أكبر، الناس دي نفسها هي إللي بقت تشجعنا بعد ما بتشوف شغلنا ومردوده على الناس" تتحدث أم سجا

وعن ردود أفعال الأسر المستحقة تقول أم سجا: " بعد ما وجباتنا بتوصلهم، فرحتهم بتبقى غير عادية، وما تتوصفش وأسر بتقولنا إحنا مش بناكل الأكل ده غير من خلالكم عشان ميزانياتنا ماتسمحش إننا نشتريه"