"ليه مناخيرك عريانة".. كامل الوزير يمازح مواطنًا لا يرتدي الكمامة في أسيوط - فيديو

أسيوط ـ محمود عجمي:

مازح الفريق كامل الوزير، وزير النقل، أحد المواطنين خلال زيارته لمحطة قطار ديروط في أسيوط، قائلا: "أنت مش مغطي مناخيرك، ليه سايبها كدا عريانة؟".

واستوقف أحد المعلمين الوزير، الذي سأله بدوره عن وجهته، وقال له: "إنت راكب من أسيوط لمنفلوط بجنيه ونصف، ولو راكب ميكروباص هتدفع 10.50، قول للناس كدا طيب، ومتخافش مش هاخد منك الزيادة".

واستمع الوزير إلى عدد من رواد المحطة وسألهم عن التذاكر، وداعبهم قائلًا: "إنتوا 5 هتركبوا بتذكرتين إزاي، والله يا بلاش؟"، فيما جرى فحص الواقعة، وتبين أن التذاكر "مجمعة" إذ يجري إشراك أكثر من راكب في تذكرة واحدة.

وتفقد الفريق كامل الوزير، وزير النقل، اليوم الخميس، محطة قطارات ديروط، وطالب باستبدال أبواب معدات الحماية المدنية "طفايات الحريق وخراطيم المياه"، ووضع بدلًا منها أبواب لا تستخدم فيها الأقفال قائلًا: "لو ملقيناش مفتاح، وحصل حريق نسيب الدنيا تولع، طب لو ملقيناش الراجل اللي معاه المفتاح نعمل إيه يا سيادة المدير؟!".