هدم "غرفة الرعب" المهجورة في البحيرة (صور)

البحيرة - أحمد نصرة:

استجابة لما نشر بموقع مصراوي، أزالت الوحدة المحلية لمركز ومدينة دمنهور، بمحافظة البحيرة، غرفة مهجورة على أحد الطرق الفرعية، بمنطقة إفلاقة، بعد تزايد الشكاوى بشأنها.

كانت الغرفة أثارت حالة من الذعر بين الأهالي، لاستغلالها من قبل المنحرفين والخارجين عن القانون، وكرًا للمخدرات والأعمال المنافية للآداب.

يقول محمود فايد: "الغرفة دي تبع مدرسة الزراعة على أول الطريق الرابط بين قريتي الحبروك وعلي باشا من على الكورنيش ومهجورة بقالها سنين، الشباب ليل نهار قاعدين فيها يضربوا حقن، وده طريق بيمشي عليه أطفال وستات".

وأضاف فايد: "كل ما نتكلم مع مدرسين المدرسة يقولوا مالناش فيه ومش بإيدينا، ياريت الغرفة دي تتهد منعاً إنها تكون مأوى للشباب الفاسد ولعدم ترويع المارة من هذا الطريق".

وقال أحمد الغرباوي: "إحنا مخلصين المدرسة دى من 8 سنين وعلى وضعها من وقتها، وكان بيبقى فيها خارجين عن القانون بيثبتوا المارة، ورغم إن الأهالي ولعوا فيها 3 مرات قبل كده بس محدش اتحرك".