بعد حادث الطفل عُدي.. مطالبات بمراجعة اشتراطات السلامة بملاعب الكرة الخماسية

البحيرة - أحمد نصرة:

ألقى حادث الطفل عدي والذي لقي مصرعه إثر حادث قطار، أثناء تواجده للعب الكرة في ملعب مواز لشريط السكة الحديد بظلاله على أهالي محافظة البحيرة، والذين طالبوا بمراجعة اشتراطات السلامة بالملاعب الخماسية، حتى لا تتكرر المأساة ثانية.

تقول إيناس الوكيل: "نفسى أعرف هي الملاعب اللى بيعملها الأشخاص للعب الكورة بالإيجار دى، مش المفروض يكون فيها معايير للأمن والسلامة؟ والمفروض يكون لها رخصة ولجنة تشوف هل هي مناسبة ولا إيه؟ ولا هو أي حاجة سمك لبن تمرهندي".

وتقول هبة بركات: "عاوزة أفهم إزاي الملعب يكون له مدخل من شريط القطر، حرام والله الأطفال فكرها بسيط ومنقدرش نغلطهم لأنهم مش مدركين مدى الخطورة وكل اللي ببالهم أنهم يلعبو كورة ويلحقو حجز الملعب، كل ولادنا بيروحوه، لازم يتقفل ويتحاسبوا على المدخل إللي بيعدوله من شريط القطر دة ويعملون سور".

ويقول أحمد الرفاعي: "وهو ده ينفع ؟ يعنى أرواح ولادنا رخيصة كدة، العيل يروح يلعب علشان يتبسط مش علشان يموت، لازم نظرة للملاعب دى وخصوصا ملعب الموت اللى جنب شريط القطر ده، أنا أصلا كنت من الأول مستغرب وجوده فى المكان ده".

كان عدي خالد، 14 عامًا، تعرض لحادث صدم قطار أثناء لعب الكرة بملعب خماسي مواز لشريط السكة الحديد بدمنهور.

أسفر الحادث عن بتر 3 من أطراف عدي، قبل أن يتوفى أمس، متأثرًا بإصاباته، تاركًا حالة شديدة من الحزن بين أهالي محافظة البحيرة.

اقرأ أيضًا:

كان بيجيب الكرة.. "عُدي" أبكى أهالي البحيرة بعد حادث قطار مفجع

"لازم أبقى أسد".. آخر كلمات الطفل عُدي قبل اغتيال قطار البحيرة أحلامه