مستخدمو ''تويتر'': ''كل سنة وأنتم طيبين انهارده ذكري زلزال ٩٢''

كتب - محمد الحكيم:

بعد مرور 21 عاما على زلزال عام 1992 الذي ضرب مصر وسبب آثار مدمرة، شعر بعض سكان القاهرة، عصر السبت، بهزة أرضية عند الساعة الثالثة و11 دقيقة و52 ثانية، استمرت لعدة دقائق، قادمة من جزيرة كريت اليونانية.

ورغم أن الهزة الأرضية لم يكن لها تأثيراً على مصر إلا أنها أعادت الذكريات للمصريين الذين شهدوا أسوأ هزة أرضية في 12 أكتوبر 1992 الساعة الثالثة و9 دقائق عصرًا تقريبًا بقوة 5.9 درجة على مقياس ريختر، وكان مركزه جنوب غربي القاهرة على بعد 20 كيلومترًا منها، واستمر لمدة نصف دقيقة تقريبًا، وتسبب في انهيار العديد من العقارات، أو تصدعات، ولقى أكثر من 370 نسمة مصرعه، وأصيب أكثر من ثلاثة آلاف شخص.

وتناول مستخدمو مواقع التواصل الاجتماعي ''تويتر'' ، و ''فسيبوك'' بخفة دم المصريين قائلين:

''هنومة ‏@iHend__'': ''بيقولوا كان فيه زلزال.. والله كنت في حفلة محستش، أو يمكن نكون احنا اللي عاملين الزلزال :D''.

'' Nermeen ‏@Nermbed'': ''الناس اللي مولودة بعد ٩٠ وبتتكلم عن اول زلزال واعادة الذكريات وكدا: خير؟؟ عايزين ايه مش فاهمة!!!''.

'' إبراهيم الجارحي ‏@Ibrahim_Elgarhi'': ''احنا شعب الواحد فيه لو حصل زلزال وماحسش بيه بيتعكنن كأن اللي حسوا بيه طلعوا رحلة وهو ما طلعش!''.

''رغدة السعيد ‏@RaghdaElSaeed'': ''كل سنة وانتوا طيبين انهاردة ذكري زلزال اكتوبر ٩٢ و اللي حصل ده احتفال للتذكير فقط''.

لمتابعة أهم وأحدث الأخبار اشترك الآن في خدمة مصراوي للرسائل القصيرة واغتنم الفرصة واكسب 10000 جنيه أسبوعيا، للاشتراك ... اضغط هنا