'' دميانة '' ترد على انتقادات الغرب لجيش مصر بقصيدة '' تعيشوا يارجالتنا ''
كتب - هاني سمير:
وجهت سهير جوزيف حنا - فتاة من صعيد مصر، رسالة إلى الجيش المصري في ثاني قصيدة لها بعنوان''تعيشوا يارجالتنا''، منتقدة الدور الذي يلعبه باراك أوباما - الرئيس الأمريكي وتهديده بقطع المعونة.
كما انتقدت سهير الشهيرة بدميانة - 18 عاماً، دور كلا من تركيا وقطر وتدخلهما في شؤون مصر، مؤكدة دعمها للجيش المصري في تماثله لمطالب المصريين خلال ثورة 30 يونيو.
وإلى نص القصيدة:
تعيشوا يارجالتنا .. رسالة قبطية من بنت مسيحية للأمة الأمريكية وقطر وتركيا
مصر قوية مش مستنية لا معونة ولا خيركم هي
مصر بالخير مليانة دايما من الشر حاميانا.. هقولها بصدق هقولها بأمانة
جيشنا هو الرجولة والشهامة
تعيشوا يارجالتنا خليتوا الفرحة دخلت بيتنا.. بأيديكم مسحتوا دمعتنا مفيش قوة فرقتنا
مسلم مسيحي .. مصر دي بيتنا
تسلم ياأخويا تسلم يابن عمي علشان بلدي هاضحي أنا بدمي
وابعدوا ياحاقدين عني دي مصر هي أمي
والمسلم دا أخويا وابن عمي.. وكلامكم مش هو همي
أنا بتكلم لأن ممكن حد فيكم يفهمني
جيشنا دا حتة مني .. ومش هاسمح بالظلم ليه ولا أيد الكره تتمد عليه
ومش أنا اللي من كلامكم هحميه.. دا ربنا هو اللي حاميه
تسلم ياجيشنا ياللي رفعت راسنا.. تسلم ياجيشنا ياللي حاميت شرفنا
تعيشوا ياشباب ياللي حميتوا مصر من الإرهاب
تعيشوا يا أحباب العدو ظنه فيكم خاب
ابعدوا ياأشرار شعبنا شعب أحرار.. أهو جيشنا قام وثار وقال مصر مش من الكفار
بلدنا بلد رجال.. شعبنا شعب ثوار.. وأحنا صاحيين أبدا أبدا مش راح نام
تعيشوا يارجالتنا
فيديو قد يعجبك:
