بعد خروج مسلسله من السباق رمضان.. عمرو سعد: "الظاهر اتضرب علي نار"

كتب - محمد مجدي:

"كان نفسي أكون معاكم في رمضان السنة دي"؛ هكذا علق الفنان عمرو سعد على خروج مسلسه من السباق الدرامي لشهر رمضان، عبر صفحته الشخصية بموقع تبادل الصور والفيديوهات "إنستجرام".

ونشر "سعد" صورة له وكُتب عليها قائلاً: "كان نفسي أكون معاكم في رمضان السنة دي... بس الظاهر أني اتضرب عليا نار بس أنا عاوز أقولكم إن اللي بيعيش في القلوب مايموتش أبدًا".

وأضاف: "بركة زي الدهب قيمته فيه وراجع بحجم الحب والثقة والاحترام المتبادل وقريب ها قولكم على كل التفاصيل علشان الكلام كتير والإشاعات أكتر... وأنا عمري ما تاجرت بمعاناة ولا اتكلمت عن نجاح ولا تباهيت بشهرة لأني مؤمن من أول يوم طلعت على أفيش أول أفلامي أن بطل الناس واحد منهم ودعيت ساعتها من ربنا أني ما اتغيرش وأظن ربنا استجاب علشان أفضل طول عمري شايف بعيونكم وحاسس زيكم".

وتابع "سعد": "أنتم تاجي وأهلي وعزوتي وناسي وحمايتي ضد اَي قوة بتفكر توقفني... الصدق بيوصل والأفضل بيعيش ويستمر ويلاطم الزمن بكل بلاويه... الحمد لله علي كل شئ والشكر ليكم وكل سنة وأنتم طيبين".

يذكر أن مسلسل "بركة" خرج من قائمة المنافسة الرمضانية، قبل أيام قليلة من بدأ العرض.

مسلسل "بركة"، من تأليف محمد الشواف وإخراج محمود كريم، وهو بطولة عمرو سعد وهالة صدقي وكمال أبو رية وإسلام جمال وأحمد حلاوة وعمر زهران.