صورة.. سما المصري تنتقد" نسر الصعيد" وتهاجم مخرجه
كتب-محمد مجدي:
انتقدت الفنانة سما المصري المخرج ياسر سامي مخرج مسلسل "نسر الصعيد" المعروض حاليا ضمن السباق الرمضاني، وكشفت عن خطأ جديد بالمسلسل، وذلك عبر صفحتها بموقع تبادل الصور والفيديوهات "انستجرم".
ونشرت "سما" صورة من المسلسل وكتبت عليها:" في مخرج ساكاسونيا مايفهمش حاجه في الاخراج اسمه ياسر سامي شوفوا مبوظ مشهد النجم محمد رمضان ازاي؟؟واخدين بالكوا من المايك بتاع الصوت اللي في ضهر الممثلة محدش شافه يبلغ المخرج النبغه دا ان المايك باين ودا غلط؟؟".
وأضافت:" يخرب بيت اللي علمك تخرج يا شيخ....روح يا ابني اتعلم إخراج الاول...بصراحه احلي حاجه في المسلسل دا هو محمد رمضان...الله ينور يا أسطورة بس ابقي نقي المخرجين بعد كده...ياسر سامي دا كبيره يخرج فيديو كليب جايبه يجرب فيك اخراج المسلسلات يا رمضان مش عيب عليك؟؟".
مسلسل "نسر الصعيد" إنتاج العدل جروب، بطولة محمد رمضان، درة، سيد رجب، محمد عز، عايدة رياض، تأليف محمد عبد المعطي، وإخراج ياسر سامي، ومن المقرر عرضه عبر فضائية " DMC".
فيديو قد يعجبك:
