شيماء سيف تتغزل في هالة خليل: "شكرا عشان بتدرسي نفسياتنا"

كتبت – منال الجيوشي:
نشرت الفنانة شيماء سيف، عبر صفحتها الرسمية بموقع انستجرام، صورة جديدة تجمعها بالمخرجة هالة خليل.

وعلقت "شيماء" على الصورة قائلة: "أستاذة هالة خليل حبيبتي، فكرت كتير أكتب إيه وأشكرك إزاى بس حقيقي من قلبي شكرا على كل حاجة عملتيها معايا، وشكرا للفرصة الأولى فى نوارة اللي كانت مشهد بس خليتني أخدت عنه جايزة أحسن ممثلة دور تاني من جمعية الفيلم، وشكرا عن المسلسل اللي جايزتي عنه إني بس أكون وسطكم فى عمل من أهم الأعمال اللى اشتغلتها".

وتابعت قائلة: " وشكر تانى أهم بقى بس مش لتعبك فى المسلسل كمشاهد وتصوير وتركيز، لا ده لإنك كمان كنتي بتدرسي نفسياتنا عشان تتعاملي معانا على أساسها، وده لوحده مجهود بالحجم العائلي، بحبك".
يذكر أن شيماء سيف تشارك في السباق الرمضاني بمسلسل "بالحجم العائلي"، وهو من بطولة يحيى الفخراني، ميرفت أمين، يسرا اللوزي، أحمد مجدي، ندى موسى.