"خدوا بالكم من أحمد".. سمية الخشاب تغالب دموعها مع "شيخ الحارة"

كتب- حسن مرسي:

علقت الفنانة سمية الخشاب على صورة طليقها المطرب والملحن أحمد سعد، التي عُرضت ببرنامج "شيخ الحارة"، مساء اليوم الخميس، قائلة:"هوّ أنت طالع لي في أول البرنامج وآخره".

وقالت الخشاب، خلال الجزء الثاني من حلقتها مع الإعلامية بسمة وهبة ببرنامج "شيخ الحارة"، المُذاع عبر فضائية "القاهرة والناس"، مساء اليوم الخميس، "أنت اللي جبته لنفسك، هوّ اللي اضطرني أطلع وأقول كده، ومكنتش أتمنى ده".

وأضافت الفنانة، "خليه ماشي ورا كلام اللي حواليه، أحمد لم يجنح للسلم، وأنت مشفتش خير غير على إيدي، إيه التفاهات اللي بيقولها، شكرًا يا أستاذ أحمد".

وعن احتمالية الرجوع لأحمد سعد، أبدت الفنانة انزعاجها من مجرد التفكير في الرجوع له عقب الانفصال، مؤكدة: "أنا سامحت في الدم وهوا مقدرش ده.. مبقاش يقدر يفرق بين اللي بيحبه واللي بيشتغله، أنا سيبت عمري كله عشانه واعتبرته ابني الصغير".

وغالبت الفنانة سمية الخشاب دموعها في نهاية الحوار قائلة: "إيه القسوة دي؟ هوا اللي بيعمل كده إنسان؟، أنا كنت داخلة العمليات وبقول للناس خدوا بالكم من أحمد، ماما مش مسمحاك وحسبي الله ونعم الوكيل"