"السبب رقَّاصَة".. شيخ الحارة يحرج مصطفى يونس.. والأخير يرد

كتب- محمد جمعة:

كشفت شخصية شيخ الحارة عن لقاء بين الكابتن مصطفى يونس، لاعب منتخب مصر والنادي الأهلي السابق، مع راقصة في شارع الهرم حين كان عمره بين 19 و20 عامًا.

ورد يونس، خلال حواره مع برنامج "شيخ الحارة" المُذاع عبر فضائية "القاهرة والناس"، مساء اليوم الثلاثاء، على الواقعة، قائلًا: "زميلنا طاهر الشيخ كان جاي من كندا، وعايز يتجوز ويعمل فرح، فرُحنا شارع الهرم اتفقنا مع الناس.. والراقصة اللي طلبت مننا نتعشَّى ونتفرَّج، فقُلنا لها يا ست ده احنا نتفضح عندنا في النادي، المهم اتعشينا واتفرجنا وروّحنا".

وأضاف لاعب منتخب مصر والنادي الأهلي السابق: "تاني يوم جِه عم حسين قال لي راقصة عايزة تشوفك، فرُحت حب استطلاع، ودخلت من الباب الخلفي بنظارة سمراء، وقعدنا نتكلم في الكرة ونهرّج لحد ما عم حسين سبنا وخرج، فأنا قلقت وكنت باخاف على نفسي أوي".

وتابع يونس: "الراقصة قالت لي من الآخر أنا عايزة أتجوزك، ولو عايز تلعب كرة العب براحتك وهجيب لك عربية وهعمل لك مرتّب.. فأنا كان قدامي هدف إني أبقى لاعب كرة، وأنا عارف السكة دي آخرتها إيه، رغم إن الست طالباني في الحلال، فخلصت القعدة ومشيت وروَّحت".