أرملة الشهيد أحمد المنسي: زوجي كان يتوعد عشماوي كل ما تيجي سيرته

كتب- حسن مرسي:

قالت منار سليم، أرملة الشهيد البطل أحمد المنسي، إن مسلسل "الاختيار" قريب جدًا من شخصية زوجها والفنان أمير كرارة استطاع أن يقترب من الشخصية حتى في طريقة المشي، مضيفة: "أنا بكيت كتير أوي وأن الأوان أننا نفرح ببلدنا وبرد الجميل وبجيشنا، الهدف الأسمي هي الشخصية نفسها علشان الأجيال تستفيد".

وأضافت سليم، في مداخلة هاتفية مع الإعلامي عمرو أديب، ببرنامج "الحكاية"، المُذاع عبر فضائية "mbc مصر"، مساء الأحد: "كل الأسرة بتقعد تتفرج معايا علي المسلسل وكل الناس بتتصل بي وتتابع معايا، موضحة: "الشعب ده بيظهر في وقت الأزمات، وبنبدأ نحب بعض والتاريخ بيذكر الحلو وبيذكر الوحش ومصر مش بتنسي ولادها وكل واحد له تكريم والجيش المصري كله".

وأشارت أرملة الشهيد البطل أحمد المنسي، إلي أنها بدأت تكره "أحمد العوضي" الذي يجسد شخصية هشام عشماوي وده معناه أنه مسلسل ناجح لأنه وصل للناس الطريقة دي وبسأل إزاي الشخصية نفسها كان بيتعامل كده وبلدنا متدينة وعمرنا ما شفنا كده".

وتابعت: "المنسي كان بيجيب سيرة هشام عشماوي ولكن كان (يتوعد) وبيقول عايز أشوفه أو أطوله وبنظرة فيها ثأر وعارفة أن أحمد شايفنا وعارفة أنه فرحان، وأشكر اهتمام كل واحد في طقم العمل علشان يطلع بالمنظر ده".