إسعاد يونس عن "الاختيار": "أول مسلسل كلنا حاسين إننا مشتركين في بطولته"

عبرت الفنانة والإعلامية إسعاد يونس عن رأيها في مسلسل "الاختيار" الذي يتناول حياة الشهيد أحمد منسي، ويشارك في السباق الرمضاني الحالي.

وكتبت إسعاد يونس عبر حسابها على "فيسبوك": "هو مسلسل الاختيار الحقيقة مش عمل فني يتقيم، ده تقريبا أول مسلسل كلنا حاسين إن إحنا مشتركين في بطولته، إحنا الحقيقة مش بنتفرج عالحكاية، إحنا عايشينها كأنها كانت أول امبارح، وتلاقي نفسك أكيد اتقهرت من أول وجديد في فينال الحلقة الأولي، وكملت من ذاكرتك حصل إيه في الجنازة لما رحت تودع الشهدا، وتلاقيك قلت في سرك " كان لازم يشبعوا موقعة جبنة نستو يا معفنين" لأنك لسه مغلول من يومها، وحاتفضل مع كل حدث تقرنه بمشاعرك وقتها والذكريات السودة، و حاتفضل متشوق ومتابع مع إنك عارف النهاية، هو مش معاد فرجة يومي علي مسلسل، لكنه معاد زيارة لأچندة ذكرياتنا"

مسلسل "الاختيار" بطولة أمير كرارة وأحمد العوضي ودينا فؤاد وإسلام جمال، تأليف باهر دويدار وإخراج بيتر ميمي، ومن إنتاج شركة سينرجي‎.‎