فيديو - بغطاء رأس وتدعو الله التثبيت.. مي فخري: رفضت التمثيل هذا العام
مي فخري
كتب - بهاء حجازي:
نشرت الفنانة مي فخري، عبر حسابها الشخصي بموقع "إنستجرام"، فيديو لمتابعيتها تحدثت فيه عن رفضها للأعمال الدرامية المعروضة عليها في الموسم الدرامي الرمضاني هذا العام، واستبعدت أن تعود مجددًا إلى الفن داعية الله أن يثبتها على ما هي عليه.
وظهرت مي في فيديو ترتدي غطاء رأس للرد على متابعيها الذين سألوا عنها وعن الأعمال الدرامية المشاركة فيها، وقالت: "زي ما قلت لكم موضوع التمثيل مش حباه ومش عايزاه تاني، وأنا بتكلم براحتي، أنا ولا أي حاجة.. أنا عبد من عباد الله موجود، وروح موجودة اسمها مي فخري".
وتحدثت الفنانة عن المرحلة العصيبة التي مرت بها، وهي مرحلة أصدقاء السوء: "أول حاجة حصلت لي في موضوع التغيير هي مرحلة أصدقاء السوء اللي مريت بيها وعديتها، وأصدقاء السوء مش شرط يكونوا واقفين على الناصية، ممكن يكونوا قريبين منك وناس هاي كلاس، لكن هم الصحبة اللي بتجرك للغلط، وتخليك تكسل تعمل أي حاجة لنفسك ولربنا".
وأضافت مي: "أنا زي أي بنت تانية بنخرج وبنقابل صحابنا وبنسهر والحاجات اللي كلنا بنعملها وبنبقى شايفين إنها عادية بس هي كوارث، لحد ما وصلت لمرحلة ما بين الشك واليقين، هل أنا متخلفة ولا هم اللي أوبن مايند، أنا وصلت لحتة توهت فيها من نفسي.. ووصلت لمرحلة أنا مش عارفة أنا مين وأنا الصح ولا هما الصح؟".
وتابعت في كلامها لمتابعيها: "لما لقيت نفسي بنزل لتحت وبقع من على جبل ومش عارفة بعمل إيه، فكرت للحظة في وسط الناس اللي حواليا، هو إيه اللي بيحصل وأنا أخرج من دا إزاي، وكل اللي حواليا بيشككوني في يقيني بقدرة ربنا على أنه يمنحني الاختيار الصحيح"، وأنهت الفيديو بطلب من جمهورها لانتظار باقي الشرح في فيديو لاحق.
View this post on Instagram
وكانت مي نشرت فيديو منذ يومين، قالت فيه: "الحمد لله معنديش حاجة في رمضان السنة دي، وأنا اللي اعتذرت، مع إن الحمد لله جالي شغل مغري ورهيب وفرص كتير وكان هيديني لمعان وشهرة زي ما أي حد يتمنى".
وأضافت: "قويت وقلت لأ، واعتذرت عن كل الحاجات الحلوة اللي جاتلي، ويا رب يثبتني على قرار إني أقول لأ لأكتر حاجة بحبها في حياتي اللي هي شغلي، ومعتقدش إني هيكون عندي حاجة تاني في التمثيل أو حاجة زي كدا".
View this post on Instagram
وعلقت على الفيديو: "يا جماعة بس علشان ميحصلش لخبطة والموضوع الأساسي يضيع مننا أنا لسه ما اتحجبتش لأنها خطوة عظيمة جدا، ولازم أكون جديرة بشرف الحجاب أهم حاجة مش الشكل الخارجي اللي يقنع الناس المهم هو التغيير من جوانا يعني قلوبنا ونفوسنا تتغير الأول".
وفي 22 فبراير الماضي نشرت الفنانة أول صورة لها أثناء أداء العمرة، وكتبت عليها: "اللهم تقبل منا.. ويرزقكم فرحة زيارت بيته الحمد لله"، ولم تحدد إن كانت الصورة هذا العام أم من أعوام سابقة، كما نشرت صورة أخرى بتاريخ 1 مارس بغطاء الرأس من داخل سيارة تقودها، وكتبت عليها: "اليوم عيد ميلادي.. أنا لا أتقدم بالعمر أنا أتحسن..".
View this post on Instagram
View this post on Instagram
ومي فخري هي ممثلة شاركت في العديد من المسلسلات منها هبة رجل الغراب مع الفنانة ناهد السباعي، وأفراح إبليس الجزء 2 وريح المدام، وعدد من الأفلام منها عمر وسلمى ٣ مع الفنان تامر حسني.
فيديو قد يعجبك:
