هاني فريد عبدالحي لـ"مصراوي": تفجير سيارة "سلطانة المعز" تم على خمس مرات
-
عرض 4 صورة
-
عرض 4 صورة
-
عرض 4 صورة
-
عرض 4 صورة
كتبت- منى الموجي
قال الفنان هاني فريد عبدالحي، مصمم تفجيرات مسلسل "سلطانة المعز"، المعروض في السباق الرمضاني الجاري، إن تفجير السيارة الموجود في العمل، تم على خمس تفجيرات، رغم أن الجمهور يراه تفجيرًا واحدًا.
وتابع في تصريحات خاصة لـ"مصراوي": "هناك سرعة معينة تتم في الضرب تجعل الجمهور يعتقد أنه تفجير واحد، وحدث ذلك لأننا نريد أن يأخذ الانفجار وقت معين على الشاشة، فاضطررنا لعمله على أجزاء".
وأضاف: "في سلطانة المعز المفروض ان فيه تفخيخ في العربية، فبتعمل انفجار للتفخيخ وممكن تعمل انفجار لتانك العربية، وممكن لو عربية عملت حادثة وتانك واحد يضرب بتعمل تفجير له بس ده بيتصور بأكثر من كاميرا، فممكن تعمله على 3 تفجيرات بتشوف كل زاوية وممكن تديها حاجة ليها هي".
وأوضح هاني "المشكلة انك مش بتصور من زاوية واحدة، مثلا المصور بيقولي انه هيصور بدرون، فبسأله هيكون مرتفع اد ايه لان ممكن لو ارتفاع اقل وقريب من التفجير، الكاميرا هتتحرق ومناخدش الشوت بتاعنا، لازم اقوله إن ارتفاعي أربع او خمس أدوار بيعمل حسابه في الكلام ده عشان الكادر كمان يطلع شكله كويس".
"سلطانة المعز" تأليف إياد إبراهيم، إخراج محمد بكير، بطولة غادة عبدالرازق، محمود عبدالمغني، محمد شاهين، دينا.
فيديو قد يعجبك:
