خاص| كواليس مقلب "خلي بالك من فيفي" في نجوم الفن

كتبت- منى الموجي:

قال هاني فريد عبدالحي، مصمم الخدع البصرية وخبير التفجيرات، إن تصوير مقالب برنامج "خلي بالك من فيفي"، المعروض على قناة MBC مصر، تمت في ظروف صعبة.

وأوضح في تصريحات خاصة لـ"مصراوي": "صورنا في فيلا مغلقة مش ديكور، وكانت الصعوبة في إخفاء الخدع والتحكم في التفجيرات فازة بتتكسر وازاز بيطير، وتفاصيل يمكن مبانتش أوي، لأن في المونتاج محتاج ياخد رد فعل الممثل اكتر ما بيشوف ايه اللي حصل".

وتابع هاني:"كنت محكوم بمسافات بتاعة المكان لازم تعمل تفجير صح وميأثرش على الضيف القاعد، وبيخرج واحد ايده بتولع ولازم يتحرك وايده مولعة ومش بتطفي، الضيف هو اللي بيتعامل معاه وممكن يغلط ويطفيه بطريقة مش سليمة، ولو دخلنا نطفيه هتبوظ الحلقة وهيبان انك مش حقيقي".

البرنامج يستضيف مجموعة كبيرة من النجوم، بينهم "غادة عادل، أحمد زاهر، أحمد رزق، محمد ثروت، أحمد بدير، حسن الرداد".