فيديو| مخرج "البرنس" يستعين بالشرطة بعد تسريب مشهدًا من المسلسل
المخرج محمد سامي
كتبت- بهيرة فودة:
كشف المخرج محمد سامي عن استعانته بالشرطة، للبحث عن المتسبب في تسريب أحد مشاهد مسلسل "البرنس".
وقال سامي، خلال لقائه في برنامج "Mbc trending"، :"لقيت فجأة المشهد متصور من وحدة المونتاج ونازل، اتخضيت، ولجأت على طول لمنتجي الكبير الأستاذ تامر مرسي".
وأضاف سامي: "أنا عندي مشكلة، استعانا بالشرطة وبدأوا تحقيقات، واكتشفنا إن شخص الله يسامحه مساعد مونتير في مسلسل اَخر، راقب مونتيرة المسلسل وصور المشهد وبعته لخطيبته في التليفون".
وتابع سامي: "هو غلطان ومستفز جدا، بس الواحد لازم يكون رحيم بالناس، وقالوا أنه عنده مشاكل مادية وبيصرف على أهله، والله يسامحه عشان يدخل يحرق مجهودك".
وأكمل محمد: "بعض الجمهور بيكون من عشاق الفلسفة، أنه يقدر يحلل اللي هيحصل، وبتكون خطأ في الأخر، والنهاية هتكون مفاجأة ومفيش أي حد يتوقعها، وأي حد متوقع النهاية يكتبها ".
وقال سامي: "كل الحاجات اللي صرحت بيها فريدة حسام غلط، هي صغيرة، وتنبأت بحاجات مش هتحصل".
وعن تفاصيل مشهد فريدة في الشارع، قال: "أنا بعدت والدتها عنها تماما، وسبتها في الموقف لوحدها، وكانت حالة الخوف اللي هي فيها دي حقيقية، وقدرت الحمد لله أنزل دموع الناس".
واختتم محمد حديثه: "لما فكرت في المسلسل أنا ومحمد كان كل هدفنا إننا ننافس الأسطورة، والحمد لله سعيد بردود الفعل، شايف المسلسل مأثر في الناس، وبالنسبة ليا نجاحه أن الناس عاشته كأنه حقيقة".
وأضاف سامي: "أول اجتماع مع فريق العمل، قولتلهم إحنا مش هنمثل، إحنا هنبقى حقيقيين، كأني جايب كاميرا مستخبية بصور أحداث حقيقية، ودا اللي اشتغلنا عليه مشهد بمشهد وجملة بجملة، وكلهم ممثلين عظماء".
واستطرد: "أكتر واحد فاجأني في المسلسل هو محمد رمضان، لأن الراجل اللي عنده أسطول من السيارات، وراجل من أهم نجوم الوطن العربي، تقدر في كام يوم تصدق أنه راجل بسيط، رضوان البرنس بتاع الدوكو، اللي تتأثر معاه ويدخل السجن، وتدور معاه على بنته بروحك، وتنتقم من أخواته، يبقى شابوه محمد رمضان، برافو".
مسلسل "البرنس"، بطولة محمد رمضان، نور وأحمد زاهر وروجينا ورحاب الجمل وسلوى عثمان، دنيا عبد العزيز، سيناريو وإخراج محمد سامي.
View this post on Instagram
فيديو قد يعجبك:
