رامز أمير عن دوره في الاختيار: نجاح المسلسل يرجع للأبطال الحقيقيين الذين ضحوا بأرواحهم

كتب- حسن مرسي:

أكد الفنان رامز أمير، أن مصر والوطن العربي عرف حجم ما يحدث في سيناء من خلال المعارك التي يخوضها أبطال الجيش المصري أمام هؤلاء المتطرفين الذي يرغبون في الاستيلاء على مقدرات مصر وأرضها، وقال خلال مداخلة على القناة الأولى : "أنا كنت لوحدي في الصحراء واحنا بنصور معركة البرث، ومفيش حاجة حواليا وحسيت بكل حاجة الناس دي بتبقى حساها وهي قاعدة بتحرس الأرض".

وأضاف أمير في مداخلة هاتفية مع الإعلامية هبة جلال، ببرنامج "التاسعة" الذي يذاع على القناة الأولى المصرية: "أنا مكنتش حاسس أن المسلسل ده بمثله، أنا كنت عايشه وفي أبطال كتير ضحوا عشان مصر يستاهلوا أننا نعمل عمل واتنين وتلاتة ونوضح تعبوا إزاي واستشهدوا ازاي عشان احنا وأهالينا نعيش".

وتابع:"ولما حد بيكلمني يقولي النجاح اللي حصل ده، برد عليه أقوله النجاح ده نجاح الأبطال الحقيقيين اللي ضحوا بأرواحهم عشان خاطر مصر".