ريهام سعيد: "اتعملي عمل سفلي بوقف الحال..والجن ضربني مرة بالطوب"- فيديو

كتب- محمد خميس:

قالت الإعلامية ريهام سعيد: "أنا عملت حالي 6500 حلقة في حياتي منهم 2 بس عن الجن والعفاريت ووصلوا للعالمية"، مشيرة إلى أن غرفة المونتاج الخاصة ببرنامجها في القناة كان يخرج منها جن وعفاريت وأصوات، قائلة: "كنا راجعين من أوردر لقرية بتولع نار وتطفي لوحدها لقينا المصور بطنه اتنفخت جدًا وبدأ يعرق جدًا أنا مكنتش مقتنعة أن في جن والكلام دا وصلنا القناة لقينا الماتريل كله اتمسح".

وأضافت "ريهام" في حوارها لبرنامج "شيخ الحارة والجريئة" مع المخرجة إيناس الدغيدي على فضائية "القاهرة والناس" اليوم الأربعاء: "لما جينا تاني يوم المفروض غرف المونتاج بتاعتنا كانت مقفولة بالمفتاح قالولنا بالليل كان بيطلع أصوات وصريخ من أوضة المونتاج وفضلنا فترة كده، مش أنا اللي بقول دول الأمن اللي كانوا بيبلغوا الإدارة".

وتابعت: "اتعملي عمل سفلي بوقف الحال.. ومش عارفه افكه.. وحالي واقف بقالي ٥ سنين"، مشيرة إلي أنها لا تصدق ولا تقتنع هذه الأعمال، إلا أن ٤ أشخاص أكدوا لها هذا السحر، كما انها تعرضت لموقف اخر من قبل الجن خلال تصوير مسلسل في احدى البلاد العربية، قائلة: "الجن ضربني بالطوب أنا وأحمد بدير وخربش بدير وصحاه من النوم".