"الله أحلى من إنه يحرق حدا".. سلاف فواخرجي تثير الجدل بتصريحها عن النار

كتبت- منال الجيوشي:

أثارت الفنانة السورية سلاف فواخرجي الجدل، بتصريح عن الجنة والنار، في لقاء مع الإعلامية رابعة الزيات ببرنامج "شو القصة".

وقالت "سلاف": "الله ما قال ما تروحوا على جامع أو كنيسة أو معبد بوذي".

وردا على السؤال عن ديانتها قالت: "على جوجل كتير ناس بيسألوا، أمي كانت تقولنا من واحنا صغار لو حدا سألكم قولي أنا سورية، أمي كانت تاخدنا ع الكنيسة وع الجامع وتقول هذا بيت الله".

واستكملت: "أنا تعملت إني بنتمي لهذا اللبلد بكل أطيافه وكل أديانه، وفي العيد بعيد مع الكل، وبحب أي عيد أيا يكن، وبحتفل وبهتم وبحترم، وأنا إلي جزء من كل دين وكل طائفة".

وتابعت: "أنا مؤمنة لكن مش متدينة، بروح ع الجامع وع الكنيسة وعلى أي مكان".

وعند سؤالها عن سؤال من هو الله برأيك: "الله بده تآمني وتكوني عندك أخلاق، الله هو كل شيء، هو الضمير والجمال".

بينما ردت على سؤال رابعة: "هل تؤمني بوجود الجنة والنار"، قائلة: "الله أحلى من إنه يحرق، الله ما بيحرق، الثواب والعقاب موجود حتى بالدنيا، والجنة حالة جميلة، بس ماحدا راح وحكى، وما بيصير إنك تكفر، قمة الكفر إنك تكفري انسان، أنا بحرتم اللي بيآمن ولو بفكرة".