حسن يوسف: "إسعاد يونس وعمرو أديب حسدوا محمد صلاح" (فيديو)

كتب- وائل توفيق:

كشف الفنان حسن يوسف عن رأيه في النجم المصري محمد صلاح وعن الانتقادات التي توجه له أثناء مشاركته في مباريات منتخب مصر.

وقال أثناء استضافته في برنامج "كل الناس" على شاشة قناة "MBC مصر": "أنا شايف إنه عامل كل اللي يقدر يعمله، ورفع اسم مصر عاليا جدا في إنجلترا، وبنتي الكبيرة هناك بقالها حوالي 20 سنة، بتقول محمد صلاح عامل قلق والناس كلها بتتكلم عنه، وقبله كانت الناس بتتكلم عن بيكهام، وزي ما أسبانيا بتتكلم عن رونالدو وميسي بيتكلموا عن محمد صلاح".

وتابع: "لكن الفترة الأخيرة الحظ تخلى عنه شوية، هو شاطر وبيعمل اللي عليه في الملعب كما يجب، ضربة الجزاء اللي ضاعت منه دي متضيعش من محمد صلاح يعني، أنا بقول إنه خد عين يعني، طلع مع عمرو أديب وإسعاد يونس، وطبعا اتكلم كويس جدا ولد محترم، وبيتكلم حلو، وابتسامته الجميلة دي، بتحبب الناس فيه، طبعا خد عين، الله يسامحك يا عمرو إنت وإسعاد، عمرو أديب وإسعاد يونس حسدوه إسعاد شخصيا هي اللي حسدته".