أشرف زكي: "أحمد عز جابلي شنطة فلوس وبعض الفنانين حدفوا مكتبي بالطوب" (فيديو)

كتب-وائل توفيق:

كشف الفنان أشرف زكي، نقيب المهن التمثيلية، عن مساندة بعض الفنانين له في أوقات الشدة، وتعرضه للهجوم من آخرين وقت رئاسته لجهاز السينما.

وقال أثناء استضافته في برنامج "العرافة" على شاشة قناة المحور، أن الفنان أحمد عز أحضر له حقيبة أموال، وأضاف: "جالي تلفونين، الأولاني، لقيت أحمد عز بيكلمني، بيقول يا أشرف إنت فين؟ عايز أشوفك آخد رأيك في حاجة معروضة عليا تقولي آه أولا، قعدت جنبه في العربية، مد إيده جاب شنطة مليانة فلوس، قالي والله من خيرك، قولتله يا أحمد مستورة، قالي والله من خيرك".

وتابع:"الموقف التاني، أنا عندي بنتين، مايا ومريم، وكانوا صغيرين، بيفتحوا التلفزيون يلاقوا أبوهم بيتقطع من مين، من ناس كانوا بيجبلوهم الشاي والقهوة والأكل، من مين، ياريتهم أغراب، فجأة الباب بيخبط، تفتح بنتي مايا الباب، تلاقي أحمد السقا، قالها مايا أنا جايلك مخصوص، قالت له خير، قام موطي على الأرض، قالها جزمة أبوكي بتمن، واللي يمسه أموته، أوعي ده أستاذي وأبويا وأخويا، وكل حاجة في حياتي، وأنا بقولك أهو، هذا الرجل له أفضال عليا، واللي يجيب سيرته أو يمسه أنا هموته، ولا أتردد في إني أموته، دي مواقف، مش ناسيها".

ولفت نقيب المهن التمثيلية، إلى أنه تعرض لطعنات قوية، من شخصيات عديدة.

وحكى، أنه منذ عشر سنوات، وقت توليه رئاسة جهاز السينما، تعرض لهجوم من بعض زملاءه، أضاف: " زمايلي اللي واكلين في بيتي، وقفوا تحت جهاز السينما يهتفوا ضدي، ويحدفوا مكتبي بالطوب، أما مش عايز اتفرج على الفيديو ده، الطعنات كانت كتيرة قوي من أقرب الناس، للأسف بعضهم انقلب 360 درجة، وكأنه معملش حاجة، ومش عايز يعتذر، أو يقول أنا كنت غلطان، عادي، هم مش بيتعاملوا معايا، بيتعاملوا مع الكرسي".

وتقدم الإعلامية بسمة وهبة برنامجها "العرافة" في موسمه الثاني، يوميا على شاشة "المحور" في رمضان 2202.