أشرف زكي عن سليمان عيد: "مش عارف أصفى من ناحيته" (فيديو)

كتب-وائل توفيق:

كشف الفنان أشرف زكي، نقيب المهن التمثيلية، عن كواليس تعرضه للهجوم من الفنان سليمان عيد بعد أحداث ثورة يناير 2011.

وقال أثناء استضافته في برنامج "العرافة" على قناة "المحور": "أنا في 2011، انقلب الكل عليا، مش هقول الكل 100%، لكن هقول 99%، أنا من الفلول بقى، لم أتوقع أقرب الناس ليا زي الفنان سليمان عيد فجأة يهاجمني بشراسة، دم الشهداء، وهتروح فين، يا سليمان، أنت زميلي في جامعة وفي معهد، وأنت عارفني كويس جدا، وناس تكلمه، مجدي الهواري كلمه وصلاح عبد الله كلمه، وأحمد عبد الله كلمه، لأ ده فاسد، أنا فاسد يا سليمان؟!".

وأكد، نقيب المهن التمثيلية، على أنه لم يكن يعرف ماذا يريد الفنان سليمان عيد حينها، أضاف: "أنا مش عارف هو كان عايز إيه، لكن ياخدك الحماس عليا، يا سيدي أنا فاسد، إحنا أصحاب، تعمل فيا أنا كده، أنا بعتله، رسالة يومها، قولتله اسأل عبد الرحمن ابنك، أنا اتقطعت من ناس كتير جدا، لكن يفرق معايا لما يبقى حد قريب مني، لذلك أنا مش عارف أصفى من ناحيته، لما عزمني على فرح بنته، قولتله أنت بتعزم واحد فاسد في فرح بنتك".

وتقدم الإعلامية بسمة وهبة برنامجها "العرافة" في موسمه الثاني، يوميا على شاشة "المحور" في رمضان 2202.