نهلة سلامة باكية: "مش عارفة من غير أمي كان ممكن إيه حصلي في حياتي"

كتبت- بهيرة فودة:

تحدثت الفنانة نهلة سلامة عن علاقتها بوالدها ووالدتها وعن سبب طلاقهما.

وقالت نهلة، خلال لقائها في برنامج "سابع سما" الذي تقدمه الإعلامية راغدة شلهوب: "ماما هي كل حاجة في حياتي، أمي وبابا انفصلوا عن بعض وعمري سنة، وعشت معها واتعلقت بها جدا، ولغاية دلوقتي".

وأضافت: "فقدت حاجات كثيرة بعد وفاة والدي، لكن عمي الدكتور جمال سلامة كان بيهتم بيا، وكان بيديني حب وحنان واهتمام، بس والدي كان بيحب يعيش حياته أوي، وماكنش عنده وقت أو اهتمام لحد تاني".

وتابعت: "والدي كتير زعلني، لكن أنا بحبه، وفهمت بعدين إن دي شخصيته".

وعن سبب طلاق والدتها من والدها بسبب الخيانة، قالت: "دا مش حقيقي خالص، أنا أمي صعيدية، وكانت شخصيتها غيورة جدا وقوية جدا، ودماغها نشفة جدا".

وأكملت: "والدي كان بيخرج مع ستات، ووالدتي ما استحملتش وهي اللي طلبت الطلاق".

واستطردت: "والدي كتب نص ثروته لأختي، وأنا وافقت لأن أختي مش بتشتغل وهي أولى، وأنا مش بفكر في الماديات كتير".

واختتمت: "والدي بيضيع كل فلوسه، وكويس إن أختي معاها فلوسه، علشان ما يضيعهاش، وأمي عمر ما حد هيعوض مكانها خالص، وهي كافحت كتير معايا، ومهما عملت مش هقدر أرد لها أي حاجة من اللي هي عملتها ليا".

وقالت نهلة باكية: "أنا مش عارفة من غير أمي كان ممكن إيه حصلي في حياتي، وأقولها بحبك وربنا يخليكي ليا، ومتشكرة على كل تعبك وعلى كل واقفتك ليا، وإنك حافظتي عليا".