ليلى غفران: "جالي جلطة في المخ سببتلي شلل كامل.. وتعرضت لغيبوبة بسبب التراكمات"

كتب-وائل توفيق:

كشفت الفنانة ليلى غفران أسباب غيابها عن الساحة الفنية، وإصابتها بغيبوبة وجلطة في المخ.

وقالت غفران، أثتاء استضافتها في برنامج "كلام الناس" عبر قناة "mbc مصر": "جالي جلطة في المخ سببتلي شلل كامل، وعانيت شوية كتير، صحيت من الغيبوبة، حسيت إن ربنا بيقولي كفاية قومي كملي المسيرة، الحمد لله قمت وابتديت وعملت شوية حاجات".

وتابعت: "هي جات من أكتر من حاجة، تراكمات كبيرة جدا، أنا من النوع من الناس اللي مبعرفش أغضب، مبعرفش أطلع اللي جوايا، أخليه وأسامح، لدرجة إني مرة واحدة حصل عندي غيبوبة فجأة، دخلت المستشفى، واتحجزت، مبقيتش أعرف أقوم أو أتحرك ولا أعمل أي حاجة، وكنت بتعالج من الجلطة، بقيت حاسة كأني طفلة في الكلام، وبيتهيألي حاجات من الأدوية الكتيرة، بقيت أشوف حاجات غريبة، واتصرف زي الأطفال، رجعت طفلة وبعدين كبرت فجأة، ده بسبب تأثير التراكمات".

يُعرض برنامج "كلام الناس فى رمضان" على قناة "MBC مصر" يوميا الساعة 12:00 منتصف الليل، وتُعرض هذه الحلقة الإثنين 18 إبريل 2022 الساعة 12:00 منتصف الليل.