دينا الشربيني تجيب.. هل يمكن أن تقدم أدوارا جريئة؟

كتب- وائل توفيق:

كشفت الفنانة دينا الشربيني عن إمكانية تقديمها لأدوار جريئة.

وقالت أثناء استضافتها في برنامج "حبر سري" على شاشة "القاهرة والناس": "مش لازم زيادة، مبحبش أضايق حد، في حاجة نفسي الناس تفهمها، الممثل بيمثل شخصية مش هو، فلو فيه دور الرسالة بتاعته إن حد يتعظ، فالشخصية دي لو حد وحش في الحياة، إنت بتشوفيه قدامك، وممثل بيمثله، فإنت مقتنع إن ده موجود ونهايته مش كويسة، فدي حاجة مطلوبة، دي الشغلانة، فالناس دايما بتربط إن اللي بعمله هو أنا، فلو أنا طالعة قتلت يبقى أنا قتالة قتلى؟".

وتابعت: "أنا في حاجات ممكن تكون كانت جريئة بالنسبالي، جاتلي ورفضتها، ممكن وقت تاني في دور تاني عادي، مدام اللي هيتفرج عليا وقاعد مع عيلته مش هيتخدش حياءه حد هعملها".

وأكدت، أنها راعت أهلها في تقديمها لبعض الأدوار الفنية.

تشارك الفنانة دينا الشربيني في مسلسل "المشوار" المعروض ضمن الموسم الدرامي الرمضاني الحالي، مع الفنانين، محمد رمضان، أحمد مجدي، وأحمد كمال، وصبري عبدالمنعم، وبيومي فؤاد، وعمرو عبدالجليل، وغادة طلعت، وندا موسى وغيرهم، ومن تأليف محمد فريد، وإخراج محمد ياسين.