عصام شعبان عبد الرحيم: "محمد رمضان بيلبس زي أبويا بالظبط"

كتب- وائل توفيق:

صرح عصام عبدالرحيم بأن بعض الفنانين يقلدون والده الفنان الراحل شعبان عبد الرحيم.

وقال أثناء استضافته في برنامج "سابع سما" على شاشة قناة "النهار": "محمد رمضان بيلبس زي أبويا بالظبط، ويفصل هدومي عند أشرف فجلة اللي كان بيفصل لأبويا".

وتابع: "كل العيال اللي موجودة دلوقتي بتروح تفصل عنده، حمو بيكا وغيره وكل الناس، بيقلدوا أبويا، وده مش بيضايقني، أي واحد بيقلد أبويا أنا احترمه مش هاجي عليه، أنا أبويا كان طيب حقيقي، مينفعش واحد يعمل طيب ويشبهوه بأنه حفيد شعبان عبد الرحيم، كانوا بيقولوا على حمو بيكا حفيد شعبان عبد الرحيم، كانوا بيعملوا شوية حركات كده، و بيصنعوا الحاجات دي مع بعض، وبعده كده يطلعوها للناس، وأول ما يلاقوها بتضحكهم يروحوا منزلينها".

جدير بالذكر أن الفنان شعبان عبد الرحيم رحل عن عالمنا في 3 ديسمبر 2019.