عمرو زكي: "كنت بشرب".. وهذه حقيقة علاقتي بالفنانة منة فضالي (فيديو)

كتب- مينا غالي:

قال عمرو زكي، نجم منتخب مصر والزمالك الأسبق، ردًا على ما تردد أنه كان سكران وقت الحادث الذي تعرض له أثناء تواجده بالساحل، بأن "أي حد في الساحل ممكن يتقال عليه حاجة زي كده، وثانيًا توقيت الحادثة كان الساعة 5 وربع صباحًا وكان آخر 3 أيام، كنت مع أصحابي، قمت الساعة 4 رحت أكلت معاهم وكان لازم أنزل علشان كنت لسه متعاقد مع قناة، لكن والله العظيم أنا ما كنت شارب ولا أي حاجة، وبعدين إحنا في أكثر بلد فيها شائعات، ولازم تصدقيني وأنا متأكد أن الناس مصدقاني، لأن اللي ربنا بيحبه بيحبب فيه عباده.

وأضاف زكي خلال لقاءه ببرنامج العرافة مع بسمة وهبة على قناة المحور: على فكرة مش فكرة أن أنا مابشربش.. أنا كنت بشرب الأول قبل الحادثة وبطلت، لكن مفيش حاجة تانية.".

وعن علاقته بالفنانة منة فضالي، قال: منة بالنسبة لي أخت.. ومنة لما قالت إني كنت زعلان منها وقتها علشان نزلت صورة لنا، لأنها وقتها كانت مرتبطة، وثانيا منة بالنسبة لي أخت ثالثا: هو جاء أخذني من التمرين في الزمالك علشان كان بيشتري الهدية وكان بياخد رأيي وذوقي فيها، ولما رحنا عيد الميلاد كان فيه فنانين كثير، وأنا لما جيت أتكلم عن الصورة هي سببت لي أنا مشكلة لأن اتقال أن كان في ارتباط.. لكن هي أخت ممثلة.. أنا مزعلتش منها لكن زعلت من الصورة التانية مش دي صورة أخرى لنا.