رانيا يوسف: "نادية الجندي نجمة شباك بفلوسها وكانت بتوقع بيني وبين طليقي"

شنت الفنانة رانيا يوسف، هجومًا حادًا ضد الفنانة الكبيرة نادية الجندي، قائلة: "ربنا يعلم بالنوايا وبالنفوس والأعمال، لكن في حرب دايما طول الوقت من تحت لتحت".

وأضافت "يوسف"، في لقائها ببرنامج "العرافة"، المذاع عبر فضائية "النهار"، اليوم الخميس، أن نادية الجندي تخوض الحرب ضدها بذكاء، متابعة: "أنا لما بحارب حد في وشه وقدام الناس وفي العلن ومعنديش اللف والدوران، لكن أنا أحاربها ليه وأنا بعيد عنها وهحاربه ليه هو أنا هاخد أدوارها".

وأكملت: "المشكلة ليست في أدوار فنية على قد ما هي حاجات شخصية من أيام زواجي من المنتج محمد مختار، في صراعات على مستوى حياتي الشخصية وحياة بناتي".

وتابعت: "أحترم اصرارها واجتهدها، لكن النجومية بتتعمل بطرق كتير، النجومية بتتعمل بحاجات كتير مش شرط الموهبة عشان تبقى نجم، وفي ناس كتير مش موهوبين وهما نجوم، ونادي الجندي نجمة شباك بفلوسها".

وواصلت: "عرفت محمد مختار بعد انفصالها ب7 سنين وفي حاجات مش لطيفة كانت بتحصل ودايما في تقويم عليا وعلى البنات بعد الطلاق، كانت بتوقع بيني وبين طليقي ومش هتكلم في تفاصيل حياتي لأنها مش ملكي لوحدي، لكنها تخص محمد مختار وبناتي أيضًا".