"ياريت ما تكملش".. جمهور يهاجم "مربوحة" في الكبير أوي وناقدة: أوفر ودمها مش خفيف

كتب- مروان الطيب:
انتقد عدد كبير من رواد مواقع التواصل الاجتماعي الجزء السابع من مسلسل "الكبير أوي" شخصية "مربوحة" بأحداث المسلسل والتي تجسدها الفنانة "رحمة أحمد".
وتداول متابعيها عدد من "البوستات" عبر حساباتهم الرسمية على "فيسبوك".
تضمنت انتقادات لشخصية "مربوحة" واتهامات بالمبالغة في الأداء، بعد عرض ثاني حلقات مسلسل "الكبير أوي 7" مساء اليوم الجمعة .
وكتب المؤلف أيمن سليم:"زعيق و صويت و نواح و حيزن مغلي .. إحنا ناقصين توتر و عبث!!
ده نتيجة النفخة و النجاح المفاجئ اللى حصل لمربوحة".

وكتبت النقادة فايزة هنداوي:"رحمة احمد "مربوحة"
كلنا أشدنا بموهبتها وتلقائيتها السنة اللي فاتت .. لكن السنة دي فيه افتعال ومبالغة وزعيق كتييير .. نتمني أنه يقل في الحلقات القادمة".

وكتب أحمد الحسيني:" ماقلنا من السنة اللي فاتت دمها مش خفيف قولتو اطلعو من البلد".

وجاء بين التعليقات :""ممثل المسرح لازم يبقي صوته مسموع عشان يغطي القاعة، بس في التليفزيون الصوت العالي جداً والصريخ واللبس بألوان أوفر وكتير ومش متناسقة مابيعملش كوميديا بيعمل توتر أتمنى متبقاش نقطة ضعف تقضي على المسلسل".
وكتب أحدهم:" هو أنا لو قلت مربوحة سخيفة وصريخ بلاهدف هيقيموا عليا الحد".
وأضاف أخر :"الكلام ده المفروض يتقال للمخرج مش للممثل"، ليرد عليه أحدهم "الممثل بعد نسبة نجاح بياخد كريديت أنه يتصرف من دماغه شوية، والنسبة الباقية على المخرج اللي اعتقد انه لازم يوقف اللي بيحصل".
وقال أحدهم "صوتها عالي زيادة عن اللزوم والكوميدا بتاعتها أوفر شويتين"، وعلق أخر "هي اعتمدت على نجاحها الجزء اللي فات، من خلال اللبس المختلف والصوت العالي، بس جودت اوي اوي فطلعت تقيلة".
وكتب أحدهم "مسلسل الكبير مفيش حالياً غير دويتو جوني مع هجرس الباقي كله حشو"، وانتهت التعليقات بوصف أداء رحمة حسن "في فرق كبير بين الافتعال وفن الأداء".
وتعتبر هذه هي المشاركة الثانية لرحمة أحمد بشخصية "مربوحة" بعد ظهورها لأول مرة بالجزء السادس من مسلسل "الكبير أوي" والذي عرض بموسم رمضان العام الماضي وحقق لها صدي كبير.