ريهام عبدالغفور: "شفت الحياة على حقيقتها وحاجات كتير بتتغير بعد الـ40"

كتب – معتز عباس:

قالت الفنانة ريهام عبد الغفور، إنها راضية تمامًا عن ما وصلت إليه في مجال الفن، مضيفة: "بفرح وببقى راضية وبحمد ربنا عن اللي وصلت له".

وأضافت "عبد الغفور"، في لقائها ببرنامج "أنا والقناع"، المذاع عبر فضائية "سي بي سي"، اليوم الإثنين، إنها لا تعطي الأمان لأي شيء بنسبة 100%، متابعة: "مهنة الفن ممكن أي حاجة في أي لحظة تتغير ومش بثق بنسبة 100%، عشان الغرور والثقة الزيادة في الشغلانة ممكن تجيب أجل الواحد".

وأكملت: "بحاول أبقى في أحسن حال عن أني أقول جبت سقف المجال، ومفيش سقف وممكن ينهار في لحظة، أنا مش مثالية أنا بسيطة وهادية".

وتابعت: "شوفت الحياة على حقيقتها أكتر وفي حاجات كتير بتتغير بعد الـ40، شوفت الحياة بشكل مختلف الحياة مش مستاهلة حاجات كتيرة بتضيع طاقتك ووقتك في مشاكل ملهاش لازمة".