"احترمت نفسي".. خالد الصاوي: لم أندم على قراري بتجسيد شخصية "جمال عبدالناصر"

كتب- محمد أبوالمجد:

قال الفنان خالد الصاوي: "أول حاجة قولتها لما اتعرض عليا فيلم جمال عبد الناصر، إنها فرصة مش هسيبها ثم بدأت أعمل حسابات وبالتأكيد كنت واخد قرار إني أعمل الفيلم"، مؤكدًا أنه لم يندم على قراره بعمل الفيلم في بداية مشواري، قائلًا: "احترمت نفسي إني كنت شجاع ورجعت لمربع صفر لأخطاء مني أنا".

وأضاف "الصاوي" في حواره لبرنامج "أنا والقناع" مع الإعلامية منى عبدالوهاب، على فضائية "الحياة": "عملت فيلم ووقع دا حاجة تخضع لعدة عوامل منها صناع الفيلم نفسهم سواء منتجين أو مخرجين، والمقادير نفسها وكيفية التعامل مع اللحظة والخبرة ".

وعن مواصفات نجم الشباك، رد قائلًا: "مش عارف أفهمها لأني ممكن أعمل فيلم ينجح ويكسر الدنيا ونعمل فيلم أكون أنا بطله مينجحش، بس ينزل في التليفزيون يكون عليه إعلانات جامدة أوي".

وأردف: "عندي ثقة لو اشتغلت مع مخرج جامد بسيناريو جامد وإنتاج محترم ومجموعة ممثلين كمان، فهي تركيبه على بعضها".