"أوقات التقصير بيكون من الست".. ريهام عبدالغفور: "مش كل مرة الراجل يخون نسن له السكينة"

كتب- محمد أبوالمجد:

علقت الفنانة ريهام عبدالغفور، على تصريح لها بقبولها فكرة خيانة زوجها لها حالة تقصيرها في حقه، قائلة: "كلامي كنت أقصد بيه إن مش كل مرة حد بيخون بيبقى لازم نسن السكينة له، لأن في مرات حقيقي بيكون في تقصير من الستات".

وقالت "ريهام" في حوارها لبرنامج "حبر سري" والذي تقدمه الإعلامية اسما إبراهيم، على فضائية "القاهرة والناس" اليوم الثلاثاء: "التقصير مش مبرر ولكن الراجل مش ملاك ممكن يبقى ضعف إنساني"، موضحة أن الرجال يختلفون عن السيدات وهناك سيدات أيضًا تخون أزواجها، وهي جريمة وشيء خاطئ.

قائلة: "مبحبش أحكم على الحاجة من بره، لأني معشتش التجربة والله أعلم لو عشتها كان هيحصل ايه مبحبش أحكم على تجارب الأخرين"، مؤكدة: "كل واحد عنده مبادئه واتعلمت أن الشخص من بره أي حاجه بيبقى حكيم أوي ولما بيدخل في الموضوع ساعات كتير بنتحط في مواقف بنفتكر أننا أكبر من أننا نتحط فيها وبنلاقي نفسنا فيها".

وأكدت: "من الوارد أسامح في الخيانة لو حسيت أوي بالندم من ناحيته وبالتقصير من ناحيتي"، موضحة: "بحاول جدًا مقصرش مع جوزي وأنا وثقة في نفسي كزوجة إني مش مقصرة".