رضوى الشربيني تكشف عن رد فعلها إذا تعرضت للخيانة الزوجية

كتب- حسن مرسي:

كشفت الإعلامية رضوى الشربيني عن رد فعلها إذا تعرضت للخيانة الزوجية، قائلا: "لو حد خانني مش هعيط ولا أدبدب في الأرض ولا هقوله خونتني ليه؟ لكن همشي بس لأنه ميستاهلش".

وأضافت رضوى الشربيني، خلال حوارها مع الإعلامية منى عبد الوهاب، ببرنامج "أنا والقناع"، عبر فضائية "الحياة"، مساء الجمعة، أنها ندمت عندما ارتضت على نفسها في يوم من الأيام موقفا أو طريقة معاملة من شخص لم يكن من الصحيح أن تقبل بها على نفسها، متابعة: "عملت نفسي مش واخدة بالي".

وتابعت الشربيني: "دلوقتي لما بفكر مع نفسي بقول أنا عملت كدة إزاي؟ اتعاملت معاملة قاسية ووحشة أوي، كنت شايفاها وعملت نفسي إني مش شيفاها معرفش ليه".

وواصلت الإعلامية رضوى الشربيني: "لو مكنتش عشت ده، مكنتش هبقى الست اللي بتعرف تحترم نفسها للحد ده، محدش يقدر يتكلم معايا بطريقة متعجبنيش".