ميدو عن تسببه في اعتزال أحد اللاعبين: "حاولت أعوضه بس رفع عليا قضية"

كتب- محمد أبوالمجد:

علق الكابتن أحمد حسام ميدو لاعب نادي الزمالك ومنتخب مصر السابق، على تسببه في اعتزال أحد اللاعبين، قائلًا: "دا كان لاعب دخلت عليه في كورة جامد، وأصيب بقطع في الرباط الصليبي، وعملت له عملية على حسابي بعد الماتش وعلاج طبيعي، وجبته في الشركة عندي عشان أحاول اوظفه هو وأخوه ولكنه رفض".

وأضاف "ميدو" في حواره لبرنامج "العرافة" والذي تقدمه الإعلامية بسمة وهبة، على فضائية "المحور" و"النهار" اليوم الأحد: " اللاعب دا رفع قضية عليا وطلب تعويض كبير جدًا وخسر القضية، لأنه كان بيقول في المحكمة إن الإصابة دي خليته يبطل كورة، ولكننا أثبتنا بعد كده إنه لعب كوالي موسم ونصف كاملين مع نادي جولدي".

ووجه شيخ العرافين حديثه لـ "ميدو": "الإصابة دي ناشفة ولا لأ كنت قاصدها ولا مش قاصدها؟"، ليرد ميدو، قائلًا: "دخلت عليه في الكورة جامد ودخله وحشة كان فيها غشومية، لكن ساعتها كان عندي مشاكل مع المدير الفني الخاص بالفريق، وكنت مضغوط، والإصابة كان بسبب كورة جامدة لكني والله عملت كل المحاولات اللي أٌقدر عليها عشان أرضي الولد دا، عشان ربنا".

وقال شيخ العرافين لميدو: "راضي الولد دا عشان هو لسه زعلان منك لحد دلوقتي"، ليرد ميدو: "الولد دا يبتزني دلوقتي، وبيني وبينه ربنا مفيش مشكلة.

ويعد برنامج العرافة امتدادًا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.