زينة عن أحمد عز: هنقف جنب بعض وهنتصالح

كتب- حسن مرسي:

فجرت الفنانة زينة مفاجأة عن علاقتها بوالد طفليها الفنان أحمد عز، إذ أكدت أنها لا زالت تشعر بالحب تجاهه، على الرغم من كل ما حدث.

وقالت زينة خلال استضافتها في برنامج "حبر سري" المُذاع على قناة القاهرة والناس: “أنا لا كارهة الجواز ولا الرجالة ولا اتعقدت، بتسأل ليه ماتجوزتش، في الواقع عندي مسؤولية ومش فاضية، وماعنديش حاجة أديها لبني آدم، أنا مش عايزة أكون أنانية، وقتي لولادي وشغلي عشان ولادي برضه”.

وتابعت: "في ظروفي أنا عندي ولاد هيبقوا رجالة، مافيش في حياتي حد، أبوهم مش موجود وماينفعش أقول بحب راجل تاني غير أبوهم".

واستطردت: "المشكلة اللي حصلت بيني وبين أحمد عز مشكلة شخصية ولكن كبرت عشان إحنا معروفين، ماحدش ليه أنه يتدخل، والداخل بينا خارج في الآخر، هيلف الزمن ولو وقعت في أزمة هييجي والعكس".

وأكملت: "هو راجل كويس ومحترم ومتكفل بولاده وكويس معاهم، والموضوع شخصي عيب نتكلم فيه وانتهى خلاص".