بكاء جابر القرموطي خلال حديثه عن بناته: "هما أبويا مش أنا اللي أبوهم"
جابر القرموطي3
كتب- محمد أبوالمجد:
قال الكاتب الصحفي جابر القرموطي: "أنا الدنيا ضاقت بيا أوي في لحظات كتير، وأنا المشكلة عندي مش مالية المشكلة هي شغل وحياة وكيان ففجأة الدنيا هديت شوية معايا، مع زيادة المسؤوليات مع الأفكار اللي بتتراكم عليا، وأنت خايف تبقى هدف للسوشيال ميديا وأنك تروح تقدم حاجة هلس، والحمدلله ربنا حافظ على الواحد شوية بشوية مزيكا وغناء وعود، على شوية دفا عائلة، فالواحد خرج منها".
ووجه الإعلامية منى عبدالوهاب، سؤالًا للقرموطي: "مريم ونور بناتك كانوا مصدر قوة ولا كانوا نقطة ضعف بشكل غير مقصود؟"، ليرد باكيًا: "عمري ما اتكلمت في حياتي عن بناتي، لأن هم قطعة القلب، هما أبويا مش أنا اللي أبوهم، دول نعمة كبيرة الحمدلله، لأني بعتبر كل واحد فيهم أب ليا".
وأضاف "القرموطي" في حواره لبرنامج "أنا والقناع" والذي تقدمه الإعلامية منى عبد الوهاب، على فضائية "الحياة" مساء الثلاثاء: "طبطبة ربنا كانت سندي في الأوقات دي، لأننا نخطئ ونذهب ونأتي، ونتعافى ونقع ونقوم، لكن بتوصل للحظة تقول فيها، يا رب أنا تعبت بقى، أعمل إيه؟!".
يذكر أن برنامج "أنا والقناع" هو برنامج رمضاني تقدمه الإعلامية منى عبدالوهاب ويُعرض على قناتي الحياة وcbc ضمن خريطة الشركة المُتحدة للخدمات الإعلامية وإنتاج شركة DS+، ويستضيف عدد من الفنانين، مثل النجمة يسرا والنجمة غادة عادل والنجمة نيللي كريم والنجم شريف منير وشيماء سيف والنجم الكبير محيي إسماعيل وبيومي فؤاد وريهام عبد الغفور.
فيديو قد يعجبك:
